Des is des Gschicht vom original Jungbauernballett vo Kiafaholz.
Für den, der se ned auskennt, Kiafaholz liegt im Prinzip zwischen
Seppnhausn und Oudorf.
Ogfangt mit dem ganzn Schmarrn hamma eigentlich ned mir, sondern unsane Vattan. Ursprünglich als kloane Faschingsgaudi geplant, hamm sa se 1990 auf dem Kiafaholzara Fasching, in gwohnt urwüchsiger Bayerischer Bauernart, dem Publikum vorgstellt.
Wal der Erstauftritt vor heimischen Gästen glei a mordstrum Erfolg war, san glei jede Menge mehra Auftritte zurakemma. Des war de Geburtsstund vom "einzigartigen orginalen Kiefenholzer Bauernballett".
De siem-kepfade Truppe war sehr erfolgreich, sogar bis nach Essen oder Wien san de fleißigen Ballettler marschiert.
De Jahre zuign ins Land und do schau her, fast genau vierzehn Jahr späta ham se fünf junge Burschn (quasi de Buam von de Vattan, mit a boa "Eigschwirzte") aus Kiafaholz zamagfunna und genau wia de Oltn aufm Kiafaholzerer Faschingsball den selben Auftritt vortrogn. A do war des Publikum begeistert und wal sogar des "olte" Bauernballett gsagt hod: "Mochts es doch ruhig weida, mir ming sowieso nimma", hamma se dengt "mocht ma weida".
Und so entstand des "einzigartige ultimative Jungbauernballett vo Kiafaholz"...
Is da oanzige der wo no grodaus schmatzn ko. Drum schafft a o und probiert immer no das a unsan Sauhaufa zam holt.
Dandlt unsane Termine aus. Is da oanzige der wirklich woaß wo mir hi wollen.
Da Bua vom Langhaxadn, der wo noch 2-3 Flaschen Schnapps scho nimma steh ko.
Da Bou vom Sepp. Is a bissal unterernährt und hat den kleanan Bauch vo olle.
Hat as bleeda Gschau vo olle. Is fest mit seiner Wampenbress (Faltenradio) verwochsn. Ko se nix merka, ausser Muse und Trinksprich.
Is ned vo da, aber hod de hopfenmedizinische Vorsorgeuntersuchung mit Bravour bstana. Is a unsa 2. Hauskappelln.
Hupft vo stell zu stell, wenn a andra grod ned Hupfa ko. Wenn do,do; Wenn ned do, ned do!
Du brauchst uns für dein nächsten Geburtstag, de nächste Weihnachtsfeier
oder Firmenfeier, dei Houzat, Scheidung oder Beerdigung ?
Dann riahr die bei uns:
Jürgen Weigert
Kiefenholz
93086 Wörth
Tel.: +49 160 99158328
(täglich ab 18:00 Uhr)
E-Mail:
Weigert-Juergen@t-online.de
Bittscheen ruaf erst ab 6e af dNacht o.
Vorher samma meistens beim Stammtisch, beim Proben oder auf sonstigen
Sauf-Veranstaltungen.
Merce.
